ବଦଳିବା ହେଉଛି ସଂସାରର ନିୟମ ।
ଏହି ବଦଳୁଥିବା ଦୁନିଆରେ ନିଜକୁ ଖାପଖୁଆଇ ନେବା ହିଁ ବିଜେତାର ଲକ୍ଷଣ ।
ଯିଏ ବଦଳିନପାରି ପୁରୁଣାକୁ ଆବୋରି ଧରି ବସିଲା, ସେ ନିଶ୍ଚିହ୍ନ ହୋଇଯିବାଟା ସ୍ୱାଭାବିକ ।
1927 ସାଲର କଥା ।
Silent ବା ନିର୍ବାକ ଚଳଚ୍ଚିତ୍ରର ସମୟ ଇଏ ।
ଫିଲ୍ମ ଆରମ୍ଭ ହୋଇଛି ଗୋଟେ torture ଦୃଶ୍ୟରୁ ।
ଗୁପ୍ତଚର ଜଣେ ଧରା ପଡିଛି ଶତ୍ରୁ ଶିବିରରେ ।
ଚେୟାରରେ ବସାଇ ତାକୁ ଦିଆଯାଉଛି ଇଲେକ୍ଟ୍ରିକ କରେଣ୍ଟ ଆଉ ବାଧ୍ୟ କରାଯାଉଛି ମୁହଁ ଖୋଲିବା ପାଇଁ ।
ଗୁପ୍ତଚରର ସେଇ ଗୋଟାଏ କଥା - ମୁଁ କିଛି କହିବି ନାହିଁ । ବଢ଼ା ହେଉଛି ବିଦ୍ୟୁତର ତୀବ୍ରତା ।
ଲୋକଟି ଶେଷରେ ବେହୋସ ହୋଇଯାଉଛି ।
ତାକୁ ନେଇ ନିକ୍ଷେପ କରାହେଉଛି କାରାଗାରରେ ।
ପରବର୍ତ୍ତୀ ସମୟରେ ସେ ସେଠାରୁ ଖସି ଯାଉଛି ।
ବନ୍ଦୀ ହୋଇ ପଡିଥିବା ନାୟିକାକୁ ଉଦ୍ଧାର କରୁଛି ଓ ଗୁଳିଗୋଳାକୁ ଭୃକ୍ଷେପ ନକରି ଉଡ଼ାଜାହାଜ ଧରି ଉଡି ଚାଲିଆସୁଛି ନିଜ ଦେଶକୁ । ଶେଷ ହେଉଛି ଫିଲ୍ମ - Long
Live Free Georgia. କରତାଳିରେ ଫାଟି ପଡୁଛି ଥିଏଟର ଗୃହ । ପରଦା ପଛରୁ ଦର୍ଶକଙ୍କ ଅଭିବାଦନ ନେବା ପାଇଁ ଆଗକୁ ଆସୁଛନ୍ତି ଫିଲ୍ମର ହିରୋ - ଜର୍ଜ ଭାଲେଣ୍ଟିନ ।
ଜର୍ଜ ଭାଲେଣ୍ଟିନ । ହଲିଉଡ଼ର ଜଣେ ଆଗ
ଧାଡ଼ିର
କଳାକାର
।
ପତଳା ନିଶ, ତେଲ ମଖାଯାଇ ପାରିକି କୁଣ୍ଡା ହୋଇଥିବା କେଶ । ସ୍ମିତ ହସ ଶୋଭା ପାଉଥାଏ ମୁହଁରେ ସବୁବେଳେ । ତାଙ୍କ ନାଁ ରେ ଫିଲ୍ମ ଚାଲେ । କାଇନୋଗ୍ରାଫ
(Kinograph) ବୋଲି ଗୋଟେ ଫିଲ୍ମ ନିର୍ମାଣକାରୀ ସଂସ୍ଥା ସହ କାମ କରନ୍ତି ସେ ।
କୌଣସି ଏକ କାର୍ଯ୍ୟକ୍ରମରେ ଫ୍ୟାନ ଓ ସାମ୍ବାଦିକଙ୍କ ଗହଣରେ ଥିଲାବେଳେ ଜଣେ ଫ୍ୟାନ ଠେଲାପେଲା ଭିତରେ ଭିଡ଼ରୁ ବାହାରି ଆସି ଧକ୍କା ଖାଏ ଜର୍ଜଙ୍କ ଦେହରେ । ଜର୍ଜ କିନ୍ତୁ ଝିଅଟି ଉପରେ ନ ରାଗି ତାକୁ ନିଜ ସହ ଫୋଟୋ ଉଠେଇବାର ସୁଯୋଗ ଦିଅନ୍ତି, ବିଭିନ୍ନ ଭଙ୍ଗୀରେ । ଝିଅଟି ମଧ୍ୟ ଏ ଫ୍ୟାନ ମୁମେଣ୍ଟକୁ ହାତଛଡା ନକରି ଜର୍ଜଙ୍କ ଗାଲରେ ଆଙ୍କିଦିଏ ଗୋଟେ ଚୁମ୍ବନ । ସାମ୍ବାଦିକ ବନ୍ଧୁଏ ତୋଳି ନିଅନ୍ତି ଦୃଶ୍ୟକୁ । ପରଦିନ ଖବରକାଗଜର ମୁଖ୍ୟ ପୃଷ୍ଠାରେ ବାହାରେ ଫୋଟୋ, ଶିରୋନାମା ସହ - କିଏ ଏ ଝିଅ?
ଜର୍ଜର ଏ କାମରେ ବିରକ୍ତ ହୁଅନ୍ତି ପ୍ରଡ୍ୟୁସର ଓ ମୁହଁ ଫୁଲାନ୍ତି ପତ୍ନୀ । ପ୍ରଡ୍ୟୁସରଙ୍କୁ ସିନା ମନେଇ ହେବ କିନ୍ତୁ ପତ୍ନୀଙ୍କୁ ନୁହେଁ । ହୀରା ହାରଟିଏ ଉପହାର ଦେଇ ପତ୍ନୀଙ୍କୁ ମନେଇବାକୁ ହୁଏ ଜର୍ଜଙ୍କୁ ।
ଝିଅଟି ଫିଲ୍ମରେ extra
artist ଭାବେ କାମ କରେ । ଦିନେ ସୁଟିଂ ସେଟରେ ଭେଟନ୍ତି ଜର୍ଜ । ପ୍ରଡ୍ୟୁସର ଝିଅଟିକୁ ଦେଖି ପୁରୁଣା କଥା ମନେ ପକାଇ ବିରକ୍ତ ହୁଅନ୍ତି କିନ୍ତୁ ଜର୍ଜ ବାଧ୍ୟ କରନ୍ତି ଝିଅଟି ଫିଲ୍ମରେ ରହୁ ବୋଲି । ଫିଲ୍ମରେ ଦୁଇ step ର dance ଦୃଶ୍ୟ ଅଛି ଝିଅଟିର ଜର୍ଜଙ୍କ ସହ । ସେତିକି ହୁଏନି । ଜର୍ଜ ବାରମ୍ବାର ନିଜ ଏକାଗ୍ରତା ହରାନ୍ତି ସୁଟିଂ ବେଳେ ।
ପରେ ଡ୍ରେସିଂରୁମରେ ଜର୍ଜଙ୍କୁ ଭେଟ କରିବାକୁ ଆସିଛି ଝିଅଟି । ଜର୍ଜଙ୍କୁ ନପାଇ mirror ରେ 'ଥ୍ୟାଙ୍କ ୟୁ' ଲେଖି ଦେଇଛି । କାନ୍ଥରେ ଟଙ୍ଗା ହୋଇଥିବା କୋଟ ଭିତରେ ନିଜକୁ ପୁରାଇ ଆଲିଙ୍ଗନର ଅଭିନୟ କରିଛି । ଚମତ୍କାର ହୋଇଛି ଦୃଶ୍ୟଟି । ଏହି ସମୟରେ ଜର୍ଜ ଦେଖି ଦେଇଛନ୍ତି ଝିଅଟିକୁ । ତାକୁ ଉପଦେଶ ଦେଇଛନ୍ତି, ଫିଲ୍ମ ଲାଇନରେ ଅଭିନୟ କରି ସଫଳ ହେବାକୁ ହେଲେ ନିଜକୁ ଅନ୍ୟଠାରୁ ଅଲଗା ହେବାକୁ ପଡିବ । ଝିଅଟିର ଚିବୁକରେ ଗୋଟେ କଳାଜାଇ ତିଆରି କରିଦେଇଛନ୍ତି ।
ଝିଅଟିର ନାଁ ପେପି ମିଲର । ଧୀରେ ଧୀରେ ଝିଅଟି ଦୃଷ୍ଟି ଆକର୍ଷଣ କରିଛି ଓ ଚଢ଼ିଛି ସଫଳତାର ପାହାଚ ଗୋଟାକ ପରେ ଗୋଟେ । ଏକ୍ସଟ୍ରା ଆର୍ଟିଷ୍ଟରୁ ଛୋଟ ଛୋଟ ରୋଲ ପାଇ ଶେଷରେ ସହ-ନାୟିକାର ରୋଲ ପାଇବାରେ ସକ୍ଷମ ହୋଇଛି ।
1929 ମସିହା । ଟେକ୍ନୋଲୋଜିରେ ଆସିଛି ନୂଆ ପରିବର୍ତ୍ତନ । ନିର୍ବାକ (silent) ସିନେମାରୁ କଥାକୁହା (talkies) ସିନେମା ହେବାର ସମୟ । କାଇନୋଗ୍ରାଫ ସ୍ଥିର କରିଛି, ସେମାନେ ଏଥର ତିଆରି କରିବେ କଥାକୁହା ଚଳଚ୍ଚିତ୍ର । ଜର୍ଜ ଏ ପରିବର୍ତ୍ତନକୁ ଗ୍ରହଣ କରି ପାରିନାହାନ୍ତି । କଥାକୁହା ଚଳଚ୍ଚିତ୍ର ଚାଲିବନି ବୋଲି ତାଙ୍କର ମତ । କାଇନୋଗ୍ରାଫ ସଂସ୍ଥା ତାଙ୍କୁ ନ ନେଇ କାମ କରିବାକୁ ସ୍ଥିର କରିଛି । ନିଜକୁ ପ୍ରମାଣିତ କରିବା ପାଇଁ ଜର୍ଜ ନିଜେ ଫିଲ୍ମ ତିଆରି କରିବାର ନିଷ୍ପତ୍ତି ନେଇଛନ୍ତି । ନିଜେ ହୋଇଛନ୍ତି ପ୍ରଡ୍ୟୁସର । ଦିନରାତି ଏକ କରିଛନ୍ତି । ପାଣି ପରି ଟଙ୍କା ବୁହାଇଛନ୍ତି । କଠିନ ପରିଶ୍ରମ କରଛନ୍ତି । ଏହି ସମୟରେ ଦେଖା ଦେଇଛି ବିଶ୍ୱର ସର୍ବବୃହତ
ମାନ୍ଦାବସ୍ଥା । “Stock market Crash”. ଅନେକ ସଂସ୍ଥା ହୋଇଛନ୍ତି ଦେବାଳିଆ
।
ଜର୍ଜଙ୍କର ସବୁ ଆଶା ଏବେ ନିଜ ଫିଲ୍ମ ଉପରେ
।
ଏକାଦିନେ ରିଲିଜ ହୋଇଛି ଦୁଇଟି ଫିଲ୍ମ । ଜର୍ଜ ଭାଲେଣ୍ଟିନଙ୍କର ନିର୍ବାକ ଚଳଚ୍ଚିତ୍ର Tears
of Love ଓ ପେପି ମିଲରଙ୍କର
Beauty Spot. ମାଡ଼ ଖାଇଛି ଜର୍ଜଙ୍କର ଫିଲ୍ମ । ସଫଳ ହୋଇଛି ପେପି ମିଲର । ଆରମ୍ଭ ହୋଇଛି କଥାକୁହା ଫିଲ୍ମର ଯୁଗ ।
ଏପଟେ ନିଶ୍ଚିହ୍ନ ହୋଇଛି ନିର୍ବାକ କଳାକାର । ଘରବାଡ଼ି ନିଲାମ ହୋଇଛି । ସ୍ତ୍ରୀ, ଚାକର ବାକର ସବୁ କିଛି ଚାଲି ଯାଇଛନ୍ତି । ମାନସିକ ତଥା ଆର୍ଥିକ ଦୁରବସ୍ଥା ମଧ୍ୟରେ ଜର୍ଜ ନିଜ ସବୁ ପୁରୁଣା ଫିଲ୍ମର ରିଲକୁ ବାହାର କରି ନିଆଁ ଲଗେଇ ଦେଇଛନ୍ତି । ପୁଲିସ ଉଦ୍ଧାର କରିଛି ତାଙ୍କୁ । ଡାକ୍ତରଖାନାରେ ଆଣି ଛାଡ଼ିଛି ଚିକିତ୍ସା ପାଇଁ । ଖବରକାଗଜରୁ ଏ ଖବର ପଢିଛି ପେପି । ଜର୍ଜକୁ ନିଜ ଘରେ ନେଇ ରଖିଛି । ଦିନେ ଜର୍ଜ ଦେଖିଛନ୍ତି ନିଲାମ ହୋଇଥିବା ନିଜ ପୁରୁଣା ଜିନିଷ ସବୁକୁ ପେପିର ଘରେ । ଏତେ ବଡ଼ କଳାକାରର ଆଜି କି ଅବସ୍ଥା ! ନିଜ ସ୍ୱାଭିମାନକୁ ପଡିଛି ଶକ୍ତ ଧକ୍କା । ଜର୍ଜ ଫେରି ଆସିଛନ୍ତି ଜାଳି ପୋଡି ନଷ୍ଟ ହୋଇ ଯାଇଥିବା ନିଜ ପୁରୁଣା ଘରକୁ । ଆତ୍ମହତ୍ୟା କରିବାକୁ ସ୍ଥିର କରିଛନ୍ତି । ଠିକଣା ସମୟରେ ପେପି ଆସି ପହଞ୍ଚିଛି । କହିଛି, କେମିତି ସେ ସମ୍ମାନ କରେ ଜର୍ଜଙ୍କୁ ଆଉ କେମିତି ତାଙ୍କୁ ପୁଣି ଥରେ ଦେଖିବାକୁ ଚାହୁଁଛି ସଫଳତାର ଶୀର୍ଷରେ । ଜର୍ଜ ଶେଷରେ ରାଜି ହୋଇଛନ୍ତି ।
ଏପଟେ ନିଶ୍ଚିହ୍ନ ହୋଇଛି ନିର୍ବାକ କଳାକାର । ଘରବାଡ଼ି ନିଲାମ ହୋଇଛି । ସ୍ତ୍ରୀ, ଚାକର ବାକର ସବୁ କିଛି ଚାଲି ଯାଇଛନ୍ତି । ମାନସିକ ତଥା ଆର୍ଥିକ ଦୁରବସ୍ଥା ମଧ୍ୟରେ ଜର୍ଜ ନିଜ ସବୁ ପୁରୁଣା ଫିଲ୍ମର ରିଲକୁ ବାହାର କରି ନିଆଁ ଲଗେଇ ଦେଇଛନ୍ତି । ପୁଲିସ ଉଦ୍ଧାର କରିଛି ତାଙ୍କୁ । ଡାକ୍ତରଖାନାରେ ଆଣି ଛାଡ଼ିଛି ଚିକିତ୍ସା ପାଇଁ । ଖବରକାଗଜରୁ ଏ ଖବର ପଢିଛି ପେପି । ଜର୍ଜକୁ ନିଜ ଘରେ ନେଇ ରଖିଛି । ଦିନେ ଜର୍ଜ ଦେଖିଛନ୍ତି ନିଲାମ ହୋଇଥିବା ନିଜ ପୁରୁଣା ଜିନିଷ ସବୁକୁ ପେପିର ଘରେ । ଏତେ ବଡ଼ କଳାକାରର ଆଜି କି ଅବସ୍ଥା ! ନିଜ ସ୍ୱାଭିମାନକୁ ପଡିଛି ଶକ୍ତ ଧକ୍କା । ଜର୍ଜ ଫେରି ଆସିଛନ୍ତି ଜାଳି ପୋଡି ନଷ୍ଟ ହୋଇ ଯାଇଥିବା ନିଜ ପୁରୁଣା ଘରକୁ । ଆତ୍ମହତ୍ୟା କରିବାକୁ ସ୍ଥିର କରିଛନ୍ତି । ଠିକଣା ସମୟରେ ପେପି ଆସି ପହଞ୍ଚିଛି । କହିଛି, କେମିତି ସେ ସମ୍ମାନ କରେ ଜର୍ଜଙ୍କୁ ଆଉ କେମିତି ତାଙ୍କୁ ପୁଣି ଥରେ ଦେଖିବାକୁ ଚାହୁଁଛି ସଫଳତାର ଶୀର୍ଷରେ । ଜର୍ଜ ଶେଷରେ ରାଜି ହୋଇଛନ୍ତି ।
ଫିଲ୍ମର ଶେଷ ଦୃଶ୍ୟ । ସୁଟିଂ ଚାଲିଛି । ଜର୍ଜ ଓ ପେପି ଯୁଗଳ ଡାନ୍ସ କରୁଛନ୍ତି । ନାଚ ଶେଷରେ ପ୍ରଡ୍ୟୁସର କହୁଛନ୍ତି -
Perfect. ପ୍ରଥମ ଥର ପାଇଁ ନିର୍ବାକ ଚଳଚ୍ଚିତ୍ରରେ ଶୁଭିଛି କାହାର ଶବ୍ଦ । ନିର୍ଦ୍ଦେଶକ ଆଉ ଥରେ ଦୃଶ୍ୟଟିକୁ ସୁଟିଂ କରିବାକୁ ଚାହିଁଛନ୍ତି । ଜର୍ଜ କହିଛନ୍ତି - “ନିଶ୍ଚୟ” ।
ଫିଲ୍ମ ସରିଛି ।
***
ଫିଲ୍ମ ସରିଛି ।
***
ଯୁଗ ବଦଳିବ, ସମୟ ବଦଳିବ ଓ ତା ସହ ବଦଳିବ ଟେକ୍ନୋଲୋଜି, ଚଳଣି ତଥା ରୁଚି । ବଦଳୁଥିବା ସମୟ ସହ ନିଜକୁ ଖାପଖୁଆଇ ଆଗକୁ ବଢିବା ହିଁ ନିୟମ । ବୋଧେ ସେଇଥିପାଇଁ "ମାଗୁଣିର ଶଗଡ଼" ଟି ଏକ କରୁଣ କାହାଣୀ ହୋଇ ରହିଗଲା । ସେଥିପାଇଁ କାରଣ ଯାହାବି ହେଉ, ମୂଳକଥା ହେଲା ମାଗୁଣି ପରିବର୍ତ୍ତିତ ପରିସ୍ଥିତିରେ ନିଜକୁ ଠିଆ କରି ପାରିଲାନି ଓ ଏକ ଦୁଃଖଦ ଅନ୍ତ ହେଲା କାହାଣୀର ।
"ଦ ଆର୍ଟିଷ୍ଟ"
ଫିଲ୍ମଟି 2011 ମସିହାରେ ରିଲିଜ ହୋଇଥିଲା । କାହାଣୀଟି ଥିଲା ନିର୍ବାକ ଓ କଳାଧଳା । ପରବର୍ତ୍ତୀ ସମୟରେ ଅନେକ ପୁରସ୍କାର ଗୋଟେଇଥିଲା ଏ ଫିଲ୍ମଟି ଓସ୍କାର ସହ । ଫିଲ୍ମକୁ ଯେତେ ପ୍ରଶଂସା କଲେ ମଧ୍ୟ କମ ପଡିବ । ମୋତେ ଯଦି ମୋ ପସନ୍ଦର ସର୍ବଶ୍ରେଷ୍ଠ ଦଶଟି ଫିଲ୍ମର ଲିଷ୍ଟ କରିବାକୁ ହୁଏ, ମୁଁ ନିଶ୍ଚୟ ଏ ଫିଲ୍ମକୁ ସେଥିରେ ସ୍ଥାନ ଦେବି ।
--0--
