1948 ମସିହାର ରିଲିଜ
ହୋଇଥିବା ଇଟାଲିଆନ ଫିଲ୍ମ
ଇଏ
।
ଦ୍ଵିତୀୟ ବିଶ୍ୱଯୁଦ୍ଧ
ପରେ ଇଟାଲିର ଅବସ୍ଥା
କିଛି ଭଲ ନାହିଁ
। ସାଧାରଣ ଲୋକଙ୍କର
ବେକାରୀ ସମସ୍ୟା ସାଙ୍ଗକୁ
ଆର୍ଥିକ ଅନାଟନ ।
ଚାକିରୀ ଖୋଜୁଥିବା ଅନେକ
ଲୋକଙ୍କ ମଧ୍ୟରେ ଜଣେ
ହେଲେ, ଫିଲ୍ମର ମୁଖ୍ୟ
ଚରିତ୍ର- ଆଣ୍ଟନିଓ ।
ତାଙ୍କୁ ଗୋଟେ କାମ
ମିଳିଛି । ସହର
ଭିତରେ ବିଭିନ୍ନ ଜାଗାରେ
ବୁଲି ସିନେମା ପୋଷ୍ଟର
ଲଗେଇବା କାମ ।
ହେଲେ ଏ ଚାକିରୀଟି
ପାଇବାକୁ ହେଲେ
ପାଖରେ ସାଇକେଲଟିଏ ଥିବା
ଜରୁରୀ । ଆଣ୍ଟନିଓ
ଚାକିରୀଟି ହାତଛଡା
ନ କରିବା ପାଇଁ
ମିଛ କହି ଦେଇଛି,
ତା ପାଖରେ ସାଇକେଲ
ଅଛି ବୋଲି ।
ଘରେ ନିଜ
ସ୍ତ୍ରୀକୁ ଦୁଃଖ
କାହାଣୀ କହିଛି ।
ସ୍ତ୍ରୀ ମାରିଆ ନିଜ
ଘରେ ଥିବା ବେଡ଼ସିଟ
ସବୁକୁ ଏକାଠି କରି
ସଫା କରିଛି ।
ସେସବୁକୁ ବିକି
ସେମାନେ ସେଇ ଟଙ୍କାରେ
ସାଇକେଲଟିଏ କିଣିଛନ୍ତି
। ଆଣ୍ଟନିଓର ଏବେ
ଖୁସି କହିଲେ ନସରେ
। ସକାଳୁ ରେଡି
ହୋଇ ସାଇକେଲ ଧରି
ବାହାରି ଯାଇଛି ନିଜ
କାମକୁ ।
ସିଡ଼ି ଉପରେ
ଚଢି କାନ୍ଥରେ ସିନେମା
ପୋଷ୍ଟର ଲଗାଉଥିଲା ବେଳେ
ଚୋରଟିଏ ଆସି ଆଣ୍ଟନିଓର
ସାଇକେଲ ଧରି ସେ
ଜାଗାରୁ ଧାଇଁଛି ।
ଆଣ୍ଟନିଓ ଚୋର
ଚୋର କହି ବହେ
ବାଟ ଗୋଡ଼େଇଛି ।
ହେଲେ ଚୋର ରକେଟ
ବେଗରେ ସାଇକେଲ ଚଲେଇ
ସେ ଜାଗାରୁ ଉଭାନ
ହୋଇଯାଇଛି ।
ଆଣ୍ଟନିଓ ଥାନାକୁ
ଯାଇ ଫେରାଦ ହୋଇଛି
। ଥାନାବାବୁ ଚିରାଚରିତ
ଭାବରେ କହିଛନ୍ତି, ଯଦି
ସାଇକେଲ ମିଳିଲା ତାହେଲେ
ତମକୁ ଫେରେଇ ଦିଆଯିବ
। ବ୍ୟସ୍ତ ହେବାର
କିଛି ନାହିଁ ।
ଚାରିଆଡେ ଆଖି
ପକାଉ ଥାଅ ।
କୋଉଠି ନଜରରେ ପଡିଲେ
ଥାନାରେ ଆସି ଜଣାଅ
।
ମନ ଦୁଃଖରେ
ଘରକୁ ଫେରିଛି ଆଣ୍ଟନିଓ
। ତା ପରଦିନ
ସକାଳୁ ଉଠି ନିଜ
ସାତ/ଆଠ ବର୍ଷର
ପୁଅ ବ୍ରୁନୋ (Bruno)କୁ ସାଙ୍ଗରେ ଧରି
ସାଇକେଲ ଖୋଜିବାକୁ ବାହାରି
ଯାଇଛି । ଅନେକ
ଜାଗା ଖୋଜିଲା ପରେ
ବି ସାଇକେଲ ମିଳିନି
। ଫିଲ୍ମଟିର ଏଇ
ଅଂଶରେ ଅନେକ ଏମିତି
ଦୃଶ୍ୟ ଅଛି ଯାହା
ଦର୍ଶକକୁ ଭାବପ୍ରବଣ
କରିଦେବ । ସେ
ଯାହାହେଉ ଶେଷରେ
ଅନେକ ଖୋଜିଲା ପରେ
ଗୋଟେ ଜାଗାରେ ସାଇକେଲ
ଚୋରକୁ ପାଇଛି ।
ହେଲେ ସେ ଲୋକଟି
ଗାଲେଇଛି ।
ପୁଲିସକୁ ଯାଇ
ଡାକିଛି ଆଣ୍ଟନିଓ ।
ଚୋରର ଘର ଖୋଜାଖୋଜି
କରି କିଛି ମିଳିନି
। ସାଇକେଲ ନାହିଁ,
ସାକ୍ଷୀ ବି କେହି
ନାହାଁନ୍ତି ।
ପୁଲିସ କିଛି କରିପାରିବନି
ବୋଲି କହିଛି ।
ନିରାଶ ହୋଇ
ବାପ ପୁଅ ଦୁହେଁ
ଫେରିଲା ବେଳେ ଆଣ୍ଟନିଓ
ଗୋଟେ ଘର ଆଗରେ
ସାଇକେଲଟିଏ ଥିବାର
ଦେଖିଛି । ଆଖପାଖରେ
କେହି ନାହାଁନ୍ତି ।
ପୁଅକୁ ପଇସା କିଛି
ଦେଇ ଘରକୁ ବସ୍
ଧରି ଚାଲିଯିବାକୁ କହି
ଆଣ୍ଟନିଓ ସେ
ଜାଗାରୁ ସାଇକେଲ ଧରି
ଧାଇଁଛି । ସାଇକେଲ
ଯୋଉ ଲୋକର, ସିଏ
ଚୋର ଚୋର କହି
ଗୋଡ଼େଇଛି ।
ଆଣ୍ଟନିଓକୁ ଲୋକେ
ଧରି ଦେଇଛନ୍ତି ଓ
ଦମେ କୁଟିଛନ୍ତି ।
ଏଇ ସମୟରେ ଆଣ୍ଟନିଓର
ପୁଅ ଆସିକି ବାପାକୁ
ଛାଡି ଦେବାକୁ କାନ୍ଦି
କାନ୍ଦି କହିଛି ।
ବାପ ପୁଅଙ୍କ ଅବସ୍ଥା
ଦେଖି ସାଇକେଲ ବାଲାଟି
ମନରେ ଦୟା ଆସିଛି
। ଆଣ୍ଟନିଓକୁ ପୁଲିସରେ
ନ ଦେଇ ଛାଡି
ଦେବାକୁ ଲୋକମାନଙ୍କୁ କହିଛି
।
ବାପ ପୁଅ
ଚୁପଚାପ ଘରକୁ ଫେରୁଛନ୍ତି
। ନିଜ ପୁଅ
ଆଗରେ ସାଇକେଲ ଚୋରି
କରି ଧରାପଡି ଆଣ୍ଟନିଓ
ଏକଦମ ଭାଙ୍ଗି ପଡିଛି
। ଭୋ ଭୋ
କରି କାନ୍ଦି ଉଠିଛି
।
ଇଟାଲି ଭାଷାରେ
Ladri di Biciclette ର ଅର୍ଥ
– “ସାଇକେଲ ଚୋରମାନେ” ।
ସାଇକେଲ ଚୋରକୁ ଖୋଜୁ
ଖୋଜୁ ଶେଷକୁ ନିଜେ
ସାଇକେଲ ଚୋର ହୋଇଯାଇଛି
କାହାଣୀର ମୁଖ୍ୟ
ଚରିତ୍ରଟି ।
ଏହାର ଇଂରାଜୀ ନାଁ
କୁ ନେଇ ଟିକେ
ଗୋଳମାଳିଆ ପରିସ୍ଥିତି
ହୋଇଥିଲା ସେତେବେଳେ
। ଆମେରିକାରେ ଫିଲ୍ମଟି
The Bicycle Thief ଭାବରେ ରିଲିଜ
ହୋଇଥିଲା ବେଳେ
ଇଂଲଣ୍ଡରେ ଏହା
Bicycle Thieves ନାଁ ରେ
ରିଲିଜ ହୋଇଥିଲା ।
ସବୁଠାରୁ ଆଶ୍ଚର୍ଯ୍ୟର
କଥା ହେଉଛି, ଫିଲ୍ମଟିରେ
ଅଭିନୟ କରିଥିବା ଅଭିନେତା
ମାନେ କେହି ବି
ପ୍ରଫେସନାଲ ଅଭିନେତା
ନଥିଲେ । ହେଲେ
କାହାଣୀ ଓ ନିର୍ଦ୍ଦେଶନା
ବହୁତ ଉଚ୍ଚକୋଟୀର ଏ
ଫିଲ୍ମଟିରେ ।
ଫିଲ୍ମଟିରେ ସେତେବେଳର
ରୋମ ସହରକୁ ଦେଖିଲେ
କୋଲକାତା ସହର
ମନେ ପଡ଼ିଯାଏ ।
ପୁରୁଣା ସହର ।
ଟ୍ରାମ କିଛି ବି
ଚାଲୁଛି ସହର ମଝିରେ
। ସବୁଆଡେ ଆର୍ଥିକ
ଅନାଟନର ଦୃଶ୍ୟ ।
ବିଶ୍ୱର ସର୍ବଶ୍ରେଷ୍ଠ
ଫିଲ୍ମ ର ତାଲିକା
ମଧ୍ୟରେ ଏ ଫିଲ୍ମଟିକୁ
ସ୍ଥାନ ଦିଆଯାଏ ।
