ଦ୍ଵିତୀୟ ବିଶ୍ୱଯୁଦ୍ଧ ପରେ ନିଜ ନିଜ ଘରକୁ ଫେରୁଥିବା ବେଳେ ବିମାନ ବନ୍ଦରରେ ଭେଟ ହୁଅନ୍ତି ଏକା ସହରରେ ରହୁଥିବା ତିନି ଜଣ ମିଲିଟାରୀ ଲୋକ, Fred Derry, Homer Parrish, ଓ Al Stephenson । ଏ ତିନି ଜଣଙ୍କ ମଧ୍ୟରୁ Homer ସବୁଠାରୁ ସାନ । Navy ରେ ଯୋଗ ଦେଇଥିଲା ସିଏ । ଯୁଦ୍ଧ ବେଳେ ବୋମା ବିସ୍ଫୋରଣରେ ନିଜ ଦୁଇ ହାତ ହରେଇଛି । ଏବେ mechanical hook ବାଲା ଦୁଇଟି prosthetic ହାତ ଲଗାଇଛି । Fred ବିବାହିତ । ଯୁଦ୍ଧ ବେଳେ ଏୟାରଫୋର୍ସରେ ଯୋଗ ଦେଇଥିଲା । ବିମାନରେ ଯାଇ ବୋମା ପକେଇବା ଥିଲା ତାର କାମ । ଆଉ Al ଯୋଗ ଦେଇଥିଲେ ସ୍ଥଳବାହିନୀରେ । ଏ ତିନି ଜଣଙ୍କ ଠାରୁ ବୟସରେ ବଡ଼ ।
ଯୁଦ୍ଧ
ପରେ ପୁଣି ପୁରୁଣା କର୍ମକ୍ଷେତ୍ରକୁ
ଫେରି ସାଧାରଣ ସାମାଜିକ ଜୀବନ କଟେଇବା ଏତେ
ସହଜ ହୋଇନି ଏମାନଙ୍କ ପାଇଁ । ଫିଲ୍ମର
କାହାଣୀ ଏମାନଙ୍କ ଘରବାହୁଡା ଓ ପରବର୍ତ୍ତୀ ପରିସ୍ଥିତିରେ
ସାଧାରଣ ଲୋକଙ୍କ ମଧ୍ୟରେ ନିଜକୁ ଖାପଖୁଆଇବାକୁ ନେଇ ପର୍ଯ୍ୟବେଷିତ ।
ଯଦିଓ ଯୁଦ୍ଧ
ଫେରନ୍ତା ସୈନିକ ତିନିଜଣଙ୍କୁ ନେଇ ଫିଲ୍ମର କାହାଣୀ ତେବେ ଏଇଟା ଗୋଟେ war ଫିଲ୍ମ ନୁହେଁ । ଯୁଦ୍ଧ
ସମୟର ସେମିତି କିଛି ଦୃଶ୍ୟ ନାହିଁ ଏଠି । ଫିଲ୍ମଟି ମୋଟାମୋଟି ପରିବର୍ତ୍ତିତ ପରିସ୍ଥିତିରେ ନିଜକୁ
ସମ୍ଭାଳୁଥିବା ତିନି ଜଣ ଆର୍ମି ଲୋକଙ୍କ ପାରିବାରିକ ଓ ଅନ୍ୟ ସାମାଜିକ ଘଟଣାବଳୀକୁ ନେଇ ତିଆରି ହୋଇଛି
।
Homer ର ସ୍କୁଲ
ବେଳର ଗାର୍ଲଫ୍ରେଣ୍ଡ ତା ଆସିବା ବାଟକୁ ଅନେଇ ବସିଛି । ହେଲେ ଦୁଇ ହାତ ହରେଇଥିବା ହୋମର ଆପଣେଇ ନେବା
ପାଇଁ ମାନସିକ ସାହସ ଜୁଟେଇ ପାରୁନି । Fred ପୂର୍ବରୁ ଆଇସକ୍ରିମ ପାର୍ଲରରେ କାମ କରୁଥିଲା ।
ଏବେ ନୂଆ ସପିଙ୍ଗ ମଲ ରେ କାମ କରିବା ତା ପାଇଁ ସହଜ ହେଉନି । ସେଥିରେ ପୁଣି ଚାପ ତା ସୁନ୍ଦରୀ, ଉଚ୍ଚାକାଂକ୍ଷୀ
ସ୍ତ୍ରୀ ଠାରୁ । Al ଯଦିଓ ଏ ଦୁଇ ଜଣଙ୍କ ଠାରୁ ଅପେକ୍ଷାକୃତ ଭଲ ସ୍ଥିତିରେ ହେଲେ, ସେ ବି ନିଜ ପୂର୍ବ
ବ୍ୟାଙ୍କରେ କାମ କରିବା ଭିତରେ ନିଜକୁ ଅନେକ ଦ୍ଵନ୍ଦ ମଧ୍ୟରେ ପାଉଛି ।
ଫିଲ୍ମଟି
1946 ମସିହାରେ ରିଲିଜ ହୋଇଥିଲା । ଫିଲ୍ମଟି ଭଲ
ଲାଗିବାର ଅନେକ କାରଣ ରହିଛି
। କାହାଣୀ, ଅଭିନୟ, ନିର୍ଦ୍ଦେଶନା ସବୁ କିଛି ଉଚ୍ଚକୋଟୀର
ହୋଇଛି ଫିଲ୍ମଟିରେ ।
No comments:
Post a Comment