ରାପର ଅଜା

ଲେଖିଛି ମୁଁ ଗୋଟେ rap କବିତା
ଦୁଇ ଚାରି ଧାଡି,
ଖାଏ ମୁଁ ଖିଲି ପାନ
ଟାଣେ ନାହିଁ ବିଡି ।
ୟା ୟା..

ସରଗକୁ ନାହିଁ ସିଡି,
ରାହୁଲ ବାବାଙ୍କ ଡଗ୍ ନାଁ ପିଡି,
ଓଡିଆଣୀକୁ ଭଲ ମାନେ
ପିନ୍ଧିଥିଲେ ଶାଢୀ ।
ୟା ୟା..

ବାବା ଫାବା ଭାବିବନି
ରଖିଛି ମୁଁ ଦାଢୀ,
ଅମଳି ନାହିଁ ମୋଅର
ହାଣ୍ଡିଆ କି ତାଡି ।

ଶଗଡ ମାଲିକ ମୁଁ
ଚଢେ ଲୁନା ଗାଡି,
ପଖାଳ ସହ ଖାଏ
ଆଳୁ ପୋଡା ବଢି ।
ୟା ୟା..

ବିଲରେ ଫଳାଏ ନିତି
ପୋଟଳ କାକୁଡି,
ରୂପ ଦେଖି ଚିହ୍ନି ଯାଏ
ଧାନ କି ଅଗାଡି ।

ଗାଁ ପୁଅ ବାପା ଡାକେ
ଡାକେ ନାହିଁ ଡାଡି,
ଅହିଂସା ପୂଜାରୀ ମୁଁ
ଧରେ ବାଙ୍କୁ ବାଡି ।
ୟା ୟା..

ବିପଦେ ଆପଦେ କେହି ଯଦି
ଡାକ ଛାଡେ ରଡି,
ବିଲକାମ ଅଧା ରଖି
ଆସେ ମୁଁ ଦଉଡି ।
ୟା ୟା..