1975 ମସିହାରେ ରିଲିଜ ହୋଇଥିଲା ଫିଲ୍ମଟି । ଗୋଟେ ଦଶନ୍ଧି ପୂର୍ବରୁ ପ୍ରକାଶିତ Ken Kesey ଙ୍କ ଚର୍ଚ୍ଚିତ ଉପନ୍ୟାସ One Flew Over the Cuckoo's Nest ର ଆଧାରରେ ଏ ଫିଲ୍ମଟି । ଫିଲ୍ମଟିକୁ Top 20 ରେ ରଖିବାର ଅନେକ କାରଣ ଅଛି । ନିର୍ଦ୍ଦେଶନା ତଥା ଅଭିନେତା, ଅଭିନେତ୍ରୀଙ୍କ ବଳିଷ୍ଠ ଅଭିନୟ ସହ ଏ ଫିଲ୍ମକୁ ରଖିବାର ଆଉ ଏକ ବଡ଼ କାରଣ ହେଉଛି , ଫିଲ୍ମଟି ଦେଉଥିବା ବାର୍ତ୍ତା ।
କାହାଣୀ:
ମେଣ୍ଟାଲ
ହସ୍ପିଟାଲରେ ଥିବା ରୋଗୀ ଓ ଅନ୍ୟାନ୍ୟ ସଦସ୍ୟ
ମାନଙ୍କୁ ନେଇ ଏ କାହାଣୀଟି ।
ମୁଖ୍ୟ ନର୍ସ Ratched ଙ୍କ ତତ୍ତ୍ୱାବଧାନରେ ଶୃଙ୍ଖଳିତ ଭାବରେ ଚାଲିଛି ହସ୍ପିଟାଲଟି । ସବୁ କିଛି
ରୁଟିନ ଅନୁସାରେ । ଟାଇମ ଅନୁସାରେ
ଖାଇବା, ଶୋଇବା, ବାହାରେ ଖେଳିବା, group discussion କରିବା, ଟିଭି ଦେଖିବା, ଗୀତ ଶୁଣିବା ଇତ୍ୟାଦି ।ଏହିପରି ଭାବେ ଦୈନିନ୍ଦିନ କାର୍ଯ୍ୟକଳାପ ସ୍ଥିର କରାଯାଇଥାଏ ରୋଗୀ ମାନଙ୍କ ପାଇଁ । ରୋଗୀ ମାନେ
ବିରୋଧ କଲେ କିମ୍ବା ବିଶୃଙ୍ଖଳିତ ହେଲେ ସେମାନଙ୍କ ପାଇଁ କଡା ହେବାକୁ ପଡିଥାଏ ।
ହସ୍ପିଟାଲକୁ
ଆସିଛି ଜଣେ ନୂଆ ସଦସ୍ୟ, McMurphy (ମ୍ୟାକ
ମର୍ଫି ) । ବଳାତ୍କାର ଅଭିଯୋଗରେ
ତାକୁ ଏ ମାନସିକ ହସ୍ପିଟାଲକୁ
ପଠାଯାଇଛି । ଲୋକଟି ଟିକେ
ଖୁଜୁବୁଜିଆ ଓ ଖୋଲା ମିଜାଜର
। ସେ ଏ କଡା, ଶୃଙ୍ଖଳିତ ରୁଟିନ ବ୍ୟବସ୍ଥା ମଧ୍ୟରେ ଅସ୍ବସ୍ତି ବୋଧ କରିଛି । ହସ୍ପିଟାଲର ରୁଟିନ
କାର୍ଯ୍ୟକଳାପ ଉପରେ ପ୍ରଭାବ ପକାଇ ବଦଳାଇବାକୁ ଚେଷ୍ଟା କରିଛି । ଗୋଟେ ପ୍ରକାର
ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଛି ମୁଖ୍ୟ ନର୍ସ Ratched ଓ
McMurphy ଙ୍କ ମଧ୍ୟରେ । ଦୁଇ ତିନୋଟି
ଘଟଣାରେ McMurphy ବିଦ୍ରୋହ କରି
ସିଷ୍ଟମର ନିୟମ ବିରୋଧରେ ଯାଇଛି । କେତେବେଳେ ସାମୟିକ
ଭାବେ ସଫଳ ହୋଇଛି ତ ଆଉ କେତେବେଳେ
ବିଫଳ ହେବାକୁ ବାଧ୍ୟ ହୋଇଛି ।
ଟିଭିରେ
World cup ଖେଳ ଦେଖିବା ପାଇଁ ଅନ୍ତେବାସୀଙ୍କ ବହୁମତର ଆବଶ୍ୟକତା ଥିଲା ବେଳେ, McMurphy ଆବଶ୍ୟକୀୟ ସଂଖ୍ୟା ନିଜ ସପକ୍ଷରେ ଆଣିପାରିଛି । କିନ୍ତୁ ନର୍ସ
Ratched ନିୟମରେ
କୌଣସି ପରିବର୍ତ୍ତନ କରିନାହାନ୍ତି । ଅନ୍ୟ ଏକ
ସମୟରେ ଅନ୍ତେବାସୀଙ୍କୁ ଧରି ହସ୍ପିଟାଲରୁ ଲୁଚି ବାହାରି ପୁରା ଦିନ ନଦୀରେ ଯାଇ ମାଛ ଧରିଛି । ହସ୍ପିଟାଲର ନିୟମ
ଭାଙ୍ଗି ଥିବାରୁ ଦଣ୍ଡ ସ୍ୱରୂପ କରେଣ୍ଟ ଦିଆଯାଇ ଚିକିତ୍ସା କରାଯାଇଛି ତାକୁ । ଅନ୍ତେବାସୀଙ୍କ ପାଇଁ
ବାହାରୁ ମଦ, ଝିଅ ଆଣି ରାତିରେ ହସ୍ପିଟାଲରେ ଉତ୍ପାତ କରିଛି ।
ଶେଷରେ
ତାକୁ କରେଣ୍ଟ ଦିଆଯାଇ ଅକାଲୁଆ କରାଯାଇଛି । ସବୁ ଉତ୍ପାତ
ଛାଡି ଯାଇଛି । ପ୍ରତିଦିନ କରେଣ୍ଟ
ଖାଇ ଦରମଲା ହୋଇ ପଡ଼ିରହିଛି । ହେଲେ ଏଇ
ସ୍ୱଳ୍ପ ସମୟର ବିପ୍ଳବ ମଧ୍ୟରେ ସେ ଅନ୍ୟ ଏକ
ରୋଗୀକୁ ଅନୁପ୍ରାଣିତ କରିପାରିଛି । ମୁକ, ବଧିର
ହୋଇ ପଡି ରହିଥିବା ସେ ରୋଗୀଟି ଲଢେଇ
କରିବାର ଆତ୍ମବିଶ୍ଵାସ ଫେରିପାଇଛି । ଏବଂ ଶେଷରେ
ହସ୍ପିଟାଲର ଝରକା ଭାଙ୍ଗି ସେଠାରୁ ଖସି ଯିବାରେ ସଫଳ ହୋଇଛି ।
ବାର୍ତ୍ତା:
ଫିଲ୍ମଟି
କ୍ରିଟିକ ମାନଙ୍କ ଦ୍ୱାରା ଉଚ୍ଚ ପ୍ରଶଂସିତ ହୋଇଛି । ଏହାର କାରଣ
ହେଲା, ଫିଲ୍ମ ଭିତରେ ଥିବା ବାର୍ତ୍ତା । ଫିଲ୍ମଟି ଯଦିଓ
ଏକ ମେଣ୍ଟାଲ ହସ୍ପିଟାଲ ଓ ଏହା ଭିତରର
authority ଓ ରୋଗୀ ମାନଙ୍କ ମଧ୍ୟରେ ଚାଲିଥିବା ଦ୍ୱନ୍ଦ୍ୱକୁ ଦେଖାଇଛି, ହେଲେ ଏହାର ଆଉ ଏକ ବୃହତ
ବାର୍ତ୍ତା ରହିଛି । ହସ୍ପିଟାଲକୁ ଏଠି ଯେକୌଣସି
ଏକ System ବା Institution ଭାବେ ଦେଖାଯାଇପାରିବ । ଏମାନେ ସଦସ୍ୟ
ମାନଙ୍କ ପାଇଁ ନୀତିନିୟମ ତିଆରି କରିଛନ୍ତି । ସଦସ୍ୟ ମାନଙ୍କୁ
ନିଜ ତିଆରି ନୀତିନିୟମ
ମାନିବାକୁ ବାଧ୍ୟ କରୁଛନ୍ତି । ଯେକୌଣସି ବ୍ୟକ୍ତି
ଯଦି ସିଷ୍ଟମ ପାଇଁ ଚ୍ୟାଲେଞ୍ଜ ହେଉଛି, ତାକୁ ଦଳି ଦିଆଯାଉଛି । ସିଷ୍ଟମ ବିରୋଧରେ
ଯିବା ଅସମ୍ଭବ । ତଥାପି କିଛି
ଲୋକ ନିଜ ସ୍ୱାଭିମାନ, ସ୍ୱାଧୀନତାକୁ ଜାହିର କରିବାକୁ ଚେଷ୍ଟା କରୁଛନ୍ତି । ନିଜେ ସଫଳ
ହୁଅନ୍ତୁ କି ନାହିଁ କିନ୍ତୁ
ଅଗ୍ନି ସ୍ଫୁଲିଙ୍ଗ ଟିଏ ତିଆରି କରିଦେଇ ଯାଉଛନ୍ତି ଅନ୍ୟମାନଙ୍କ ପାଇଁ । ଯାହା ପରବର୍ତ୍ତୀ
ସମୟରେ ଆଲୋକ ଶିଖାଟିଏ ହେଉଛି ଅନ୍ୟ କାହା ପାଇଁ ।
ଫିଲ୍ମର
ନାମକରଣ:
ଫିଲ୍ମର
ଶୀର୍ଷକଟି ଗୋଟେ ପିଲାଙ୍କ କବିତାରୁ ନିଆଯାଇଛି ।
କିଛି ଚଢେଇଙ୍କ ଉପରେ କବିତାଟି ଲେଖାଯାଇଛି ।
One flew
east, One flew west,
One flew
over cuckoo's nest.
କୋଇଲି ବସା
ଏଠି ହେଉଛି ସେ ମେଣ୍ଟାଲ ହସ୍ପିଟାଲ । ବୃହତ ଭାବେ ଦେଖିଲେ ଯେକୌଣସି System ବା Institution ବିରୋଧରେ ଯିବା ଏକ ପ୍ରକାରର
ପାଗଳାମି । ଶେଷକୁ କଣ ହେବ ଜାଣି ସୁଦ୍ଧା, କିଛି ଲୋକ ଏ ପାଗଳାମି କରନ୍ତି । ନିଜେ ସଫଳ ହୁଅନ୍ତୁ କି
ବିଫଳ, ଅନ୍ୟମାନଙ୍କ ପାଇଁ ଦିଗଦର୍ଶକ ହୁଅନ୍ତି ।
No comments:
Post a Comment